STAP 1: Laai die Lingi program af (Die LINGI PROGRAM werk net op Windows en nie op iOS nie)

Kliek op die groen blokkie “LINGI™ Program” hier onder om die aflaai van die program te begin. Indien jou webblaaier vra of jy die program wil “Run” of “Save”. Kliek op “Run”.

STAP 2: Teken in

Sodra die program afgelaai is, sal jy met die volgende skerm gegroet word.

Geen intekenbesonderhede word vanaf Desember 2023 meer verlang nie.  Jy kan nou net voortgaan om die klank te selekteer en op Lingi te laai.

STAP 3: Koppel Lingi se USB-kabel aan jou rekenaar

Rits die agterkant van die Lingi-beer oop om toegang tot die USB-kabel te verkry. Neem die aansluiting van die kabel en koppel dit aan jou rekenaar.

STAP 4: Kies ‘n toestel

Kies ‘n toestel vanuit die keuselys (bv. D:\, E:\ of F:\). Indien die lys leeg is, kliek op die groen pyltjies om dit te verfris. Dit is “Stap 1” op die programmetjie.

STAP 5: Kies ‘n storiebondel

Kies ‘n storiebondel wat vanuit die keuselys. Indien die lys leeg is, kliek op die groen pyltjies om dit te verfris. Dit is “Stap 2” op die programmetjie.

STAP 6: Dra oor (Transfer)

Kliek op die “Dra Oor” knoppie. Die knoppie sal dan gedeaktiveer word. Die proses om jou bondel stories van ons webtuiste af te laai, word dan afgeskop. Elke klankgreep in die bondel word een-vir-een afgelaai.
Sodra die bondels afgelaai het, beweeg die program na die volgende stap waar dit die klankgrepe na jou beer oordra. Wanneer die oordragproses voltooi is sal ‘n suskesboodskap in groen vertoon word. Dit is nou veilig om die beer te ontkoppel.